KJÖRSVÆÐI ÞEMAFERÐA
Kjörsvæði okkar eru þau svæði sem við þekkjum best. Við höfum búið og starfað á þessum svæðum og höfum trausta þekkingu á aðstæðum og ferðaþjónustu. Tengsl okkar við íbúa á þessum svæðum gerir okkur jafnframt kleyft að finna fyrir þig alla mögulega þjónustu og afþreyingu. Bara að nefna það.
|
||
|
Strandir voru áður eitt af afskekktari svæðum Íslands, heimkynni harðdrægra galdramanna. Og enn búa Strandirnar yfir dulýðgi. Fjaran er síbreytileg og á eyðisvæðum er stutt frá brimlöðri upp á tilkomumikil fjöll. 
Vestfjarðakjálkinn er engu líkur, vogskornasti hluti landsins þar sem hver fjörður hefur sín einkenni og alltaf er eitthvað nýtt að sjá og upplifa.
Vesturland er fallegt svæði, uppsveitir Borgarfjarðarins er með gróðursælli svæðum Íslands, Snæfellsnesið með jökulinn, Breiðafjörður með eyjarnar óteljandi, og svo mætti lengi telja...
Skotland er nær en margan grunar bæði landfræðilega og menningarlega. Samt vita fáir af öllum þeim möguleikum sem Skotland býður upp á hvort sem menn sækjast eftir borgarmenningu, náttúruskoðun eða fjölbreyttri afþreyingu á ferðalaginu.